Гонжу, Сэжон, Тэжон зэрэг бүс нутгийн эмзэг бүлгийн иргэдэд тулгарч буй бэрхшээлийг даван туулахад нь тусалдаг. Атоми компани нь сар бүр Гонжу хотын орлого доогуур 100 өрхөд бүтээгдэхүүнээрээ дэмжлэг үзүүлж, Чусок, Сар шинийн баяраар 600 өрхийг бүтээгдэхүүнээрээ хангадаг. Мөн бүс нутаг бүрд өөр өөр бүлгүүдэд туслах буяны байгууллагуудыг дэмждэг.

Гома Гонжу Талх Түгээх төвийг Гонжу хотын орлого багатай өрхүүд болон нутгийн иргэдийг дэмжих зорилгоор Гонжу хоттой байгуулсан гэрээний дагуу барьсан. 2017 онд Атоми нь барилгын ажил, түрээс, материал зэрэг үйл ажиллагааны зардлыг хариуцаж, мөн сайн дурынхны бүлгээр дамжуулан тухайн бүс нутгийн эмзэг бүлгийн өрхүүдэд талх түгээх ажил хийсэн. Гома Гонжу Талх Түгээх төв нь тухайн бүс нутагт үгүйлэгдэж байгаа соёлын үйл ажиллагааны нэг хэсэг болох талх нарийн боовны амтыг хүүхдүүдэд мэдрүүлэх замаар энгийн туслах үйл ажиллагаанаас гадна хөгжлийн бэрхшээлтэй иргэдэд зориулсан талх нарийн боовны сургалтын газар, эмзэг бүлгийн хүүхдүүд асран хамгаалах, боловсролын газар болгон ашиглаж үйл ажиллагааны цар хүрээгээ өргөжүүлж байна.

Удаан үргэлжилсэн COVID-19 тахлын улмаас эмзэг бүлгийнхэн илүү их бэрхшээлийг туулж, жижиг бизнес эрхлэгчид ч борлуулалт буурсны улмаас санхүүгийн хүндрэлтэй тулгарч байна. 2021 онд Атоми нь Солонгосын Улаан Загалмайн Нийгэмлэгтэй хамтран хандивын төсөл боловсруулж, Гонжу Сансон хүнсний захын жижиг бизнес эрхлэгчдээс хүнсний материал худалдан авч эмзэг бүлгийн иргэдэд үдийн цай байдлаар түгээж жижиг бизнесүүд төдийгүй эмзэг бүлгийнхэнд дэмжлэг үзүүлсэн юм.

Атоми компани нь Гунжу хотын нэг зүрхтэй тэтгэлгийн сан зэрэгт тэтгэлэг хандивлах зэргээр орон нутгийн нийгэм болон хамтран ажиллагч байгууллагуудын боловсролыг дэмжих үйл ажиллагааг тасралтгүй явуулж байна. Тус компанийн охин компани Atomy Orot нь Гунжу Үндэсний Их Сургуульд 57 сая воны үнэтэй нурунжи хандивлаж, оюутнуудын сайн сайхны төлөө хувь нэмэр оруулсан бол, Yeorak тэтгэлгийн сан-гаар дамжуулан орон нутгийн шилдэг оюутнууд болон гадаадад суралцаж буй оюутнуудад тэтгэлэг олгожээ. Эдгээр үйл ажиллагаа нь залуучууд болон өсвөр үеийн ирээдүйн чадавхийг бэхжүүлэх бодит боловсролын хандив бөгөөд орон нутгийн боловсролын экосистемийн хөгжилд хувь нэмэр оруулж байна.

Тээврийн хувьд сул боломжтой иргэдийн хөдөлгөөний эрхийг хангах нийтийн дэд бүтцийг сайжруулах зорилгоор 2022 онд Сежун хотод хөгжлийн бэрхшээлтэй иргэдийн колл такси худалдан авахад 200 сая вон хандивласан. Энэхүү хандив нь тэргэнцэртэй зорчигчдыг тээвэрлэх боломжтой тусгай 4 тээврийн хэрэгсэл худалдан авахад ашиглагдах ба Сежун хотын хуулиар тогтоосон тээврийн хэрэгслийн хүртээмжийн түвшинг улсын хэмжээнд хамгийн түрүүнд биелүүлэхэд хувь нэмэр оруулах юм. Энэ нь хөгжлийн бэрхшээлтэй болон өндөр настан зэрэг хөдөлгөөнд хүндрэлтэй иргэдийн нийгмийн оролцоог нэмэгдүүлэх, өдөр тутмын амьдралд хандах боломжийг сайжруулах бодит жишээ бөгөөд компанийн нийгмийн хариуцлагыг орон нутгийн тээврийн болон нийгмийн сайн сайхны хөгжилтэй холбосон илрэл болж байна.

Атоми компан нь төв байр нь байрлах Гунжу хоттой хамтран Жемин голын 670 метр урт хэсэгт “Розаны аялал жуулчлалын зам” байгуулжээ. Компанийн ажилтнууд болон орон нутгийн иргэд 120 гаруй хүн хамтран Novalis, Summer Memories зэрэг дөрвөн улирлын 5,000 роза цэцэг тарьсан бөгөөд энэ үйл ажиллагаа нь бүс нутгийн голчлон соёлын газар болох, хотын шинэчлэлтийг дэмжихэд хувь нэмэр оруулсан байна.

2013 оноос эхлэн ажилтнууд, гишүүд болон орон нутгийн сайн дурынхан хамтран кимчи бэлтгэх сайн дурын үйл ажиллагаа зохион байгуулж, бэлтгэсэн кимчиг нийгмийн эмзэг бүлгийн иргэдэд хандивлан хүргэж байна.Мөн 2015 оноос хойш жил бүр ойролцоогоор 150 орчим гишүүнийг хамарсан сайн дурынхныг бүрдүүлж, түлшний нүүрс хүргэх сайн дурын ажил тогтмол зохион байгуулж байна. 2015 он хүртэл 7 бүс нутагт (Гонжу, Гванжу, Тэгү, Тэжон, Пусан, Вонжу, Инчон) хэрэгжиж байсан бол,2016 оноос 3 бүс нутаг (Кёнжү, Боын, Буан)-ийг нэмж, одоогоор нийт 10 бүс нутагт хэрэгжиж байна.Тус аянгийн хүрээнд бүс нутаг бүрт 100 өрх, нийтдээ 1,000 өрхөд, нийт 300,000 ширхэг түлшний нүүрсийг хандивлан хүргэж байгаа юм.

2016-2019 оны хооронд 2000 орчим ажилтан, гишүүд хуучин эд зүйлс худалдаалах үйл ажиллагаанд оролцжээ. Хуучин эд зүйлс худалдаалах үйл ажиллагаанаас олсон орлогыг Силоам нүдний эмнэлэг болон орон нутгийн эмзэг бүлгийнхэнд хандивласан юм. 2017 онд 130 сая вон, 2018 онд 116.36 сая вон, 2019 онд 100 сая вон, нийт 346.36 сая вон хандивласан байна.

Атоми RUN бол гүйлтээр дамжуулан явагддаг Атомийн нийгмийн стратегийн үйл ажиллагаа юм. Анх Тайвань дахь салбараас эхэлсэн Атоми RUN нь 2018, 2019 онуудад Солонгос дахь төв оффист зохион байгуулагдсан бөгөөд Атомийн бүх гишүүд, ажилчид, түнш компаниуд гүйлтээр дамжуулан Атомийн бусадтай хуваалцах соёлыг эрүүл байдлаар хэрэгжүүлсэн байна. Атоми RUN-аар босгосон 1 тэрбум воны нийт орлогыг Гонжу хотын хөгжлийн бэрхшээлтэй иргэдийн халамжийн сан болон Чуннам хотын хөгжлийн бэрхшээлтэй болон эмзэг бүлгийн хүмүүст зориулсан соёлын санд хандивласан.

Атомийн гишүүдийн 100 орчим залуу удирдагч нар, 20-30 насны 20 ажилтан Атоми төв оффистой хамт улсын найман бүсэд сайн дурын ажил хийж байна. Тэд далайн эрэг цэвэрлэх, зорилтод бүлгийн иргэдийн амьдрах орчныг сайжруулахын тулд флюресцент гэрлийг солих, шавжийн тор суурилуулах зэрэг сайн дурын үйл ажиллагаа явуулдаг бөгөөд 2021 онд 16.46 сая вон, 2022 онд 117,45 сая воны үнэ бүхий бүтээгдэхүүнийг эмзэг бүлгийн иргэдэд хандивласан байна.

I'MPERIAL бол Атомийн хамгийн өндөр зэрэглэл бүхий империал мастерын долоон гишүүд бизнесээ шууд төлөвлөж хэрэгжүүлдэг төсөл юм. Тэд нийт 321.87 сая воныг олон үндэст өрхийн амьжиргаа, сурагчдын бичгийн эрдмийн хөтөлбөр, хүчирхийлэлд өртсөн хөгжлийн бэрхшээлтэй иргэдийг хамгаалах байр, асрамжийн газрын үйл ажиллагааны зардал, хүүхдүүдийн эмчилгээ, яаралтай тусламжийн ажил, Энэтхэг улсын COVID-19-д нэрвэгсдийн тусламж, орон гэргүй иргэдийн хоол хүнс, хүүхдийн тэтгэмж, үйл ажиллагааны зардалд зориулж хандивласан байна.

тариалангийн фермүүдэд гарч буй ажиллах хүчний дутагдлыг арилгахын тулд компанийн 40 гаруй ажилтан самар түүх сайн дурын ажилд оролцлоо. Энэхүү үйл ажиллагаа нь гадаад ажилчдын тоо буурснаас үүдэлтэй фермерүүдийн хөдөлмөрийн нөөцийн хоосон зайг нөхөх зорилгоор орон нутгийн нийгэмээс ирүүлсэн хүсэлтэд үндэслэн зохион байгуулагдсан бөгөөд бүс нутгийн хөдөө аж ахуйн бүтээмжийг хадгалах, орон нутгийн хамтын хөгжлийг дэмжихэд хувь нэмэр оруулсан байна.